Rreth 1 mijë kafshë janë vrarë në një zjarr në tregun e famshëm Chatuchak të Bangkok-ut, ku u dogjën gati 100 dyqane.
Zogjtë, qentë, macet dhe gjarpërinjtë u dogjën për vdekje në kafazet e tyre në zonën e kafshëve shtëpiake.
Zjarri u ndez nga një qark i shkurtër elektrik, thanë autoritetet, duke shtuar se nuk është raportuar për viktima apo lëndime në njerëz.
Incidenti sakaq nxiti thirrje të rinovuara për autoritetet për të mbyllur zonën e kafshëve shtëpiake, e cila është kritikuar prej kohësh për kushtet e këqija të jetesës së kafshëve dhe thuhet se ka çuar në shkallë të lartë të sëmundjeve dhe vdekjeve.
Me dhjetëra mijëra dyqane të mbushura me korsi të ngushta, Chatuchak është një nga tregjet më të mëdha të Azisë Juglindore.
Është gjithashtu më i madhi dhe më i njohuri nga tregjet e fundjavës së Tajlandës.
Pretëndon të tërheqë rreth 200 mijë turistë çdo të shtunë dhe të diel.
Por pjesa e tregut që shet kafshë shtëpiake është e hapur gjatë gjithë javës. Përbën rreth katër nga 27 seksionet në tregun Chatuchak dhe është padyshim tregtia më e diskutueshme.
The post Zjarri në tregun e famshëm të Bangkok-ut vret 1 mijë kafshë appeared first on Albanian Post.
