Departamenti amerikan i Thesarit, të martën. ka sanksionuar një rrjet prej dy individësh dhe shtatë entitetesh, të cilat sipas Departamentit, sigurojnë burime të mëdha të të ardhurave për presidentin ultranacionalist të Republikës Srpska të Bosnje-Hercegovinës, Milorad Dodik, i sanksionuar, po ashtu, nga SHBA-ja.
Të sanksionuarit janë, Millenko Çiçiç dhe Gjorgje Gjuriç si dhe kompanitë: Infinity International Group, Infinity Media, K-2 Audio Services, Kaldera Company, Prointer Itss, Sirius 2010 dhe Una World Network.
“Shembull, më 2024, Igor dhe Dodik kanë përdorur ndikimin e tyre mbi disa zyrtarë të lartë të Bosnje-Hercegovinës për të manipuluar draftin e buxhetit shtetëror të Bosnjës, në mënyrë që një kontratë në nivel shtetëror ta fitonte Grupi Prointer ITSS, jashtë procesit konkurrues”, është thënë në njoftim.
Autoritetet amerikane kanë thënë se dënojnë përpjekjet e vazhdueshme të Dodikut për të gërryer institucionet që kanë garantuar paqe dhe stabilitet, në Bosnje-Hercegovinë dhe në rajon.
Ato, gjithashtu, kanë thënë se do të vazhdojnë të shpërfaqin skemat mashtruese që i kanë mundësuar Dodikut dhe familjes së tij që të shfrytëzojë njerëzit e vet për përfitime personale.
“Dodik e ka shfrytëzuar pozitën zyrtare për të rritur pasurinë përmes kompanive të lidhura me të dhe Igor Dodikun”, është thënë në deklaratën e Departamentit amerikan të Thesarit.
The post SHBA-të sanksionojnë 2 individë e 7 kompani që rritën pasurinë e Dodik-ut appeared first on Albanian Post.
