{"id":5043,"date":"2024-06-18T17:27:12","date_gmt":"2024-06-18T17:27:12","guid":{"rendered":"https:\/\/radiogjilani.com\/index.php\/2024\/06\/18\/motra-e-ukshin-hotit-ende-me-shkon-mendja-qe-eshte-gjalle\/"},"modified":"2024-06-18T17:27:12","modified_gmt":"2024-06-18T17:27:12","slug":"motra-e-ukshin-hotit-ende-me-shkon-mendja-qe-eshte-gjalle","status":"publish","type":"post","link":"https:\/\/radiogjilani.com\/index.php\/2024\/06\/18\/motra-e-ukshin-hotit-ende-me-shkon-mendja-qe-eshte-gjalle\/","title":{"rendered":"Motra e Ukshin Hotit: Ende m\u00eb shkon mendja q\u00eb \u00ebsht\u00eb gjall\u00eb"},"content":{"rendered":"

Zgjedhjet p\u00ebr Parlamentin Evropian, q\u00eb nxor\u00ebn n\u00eb pah nj\u00eb ndikim t\u00eb rritur t\u00eb partive t\u00eb krahut t\u00eb djatht\u00eb n\u00eb Evrop\u00eb, sipas analisteve me t\u00eb cilat bisedoi Z\u00ebri i Amerik\u00ebs, jan\u00eb paralajm\u00ebrim jo i mir\u00eb p\u00ebr procesin e integrimit evropian t\u00eb shteteve t\u00eb Ballkanit Per\u00ebndimor dhe p\u00ebr dialogun nd\u00ebrmjet Kosov\u00ebs dhe Serbis\u00eb.<\/strong><\/p>\n

Profesorja e shkencave politike n\u00eb Universitetin e Rom\u00ebs Federiga Bindi dhe analistja e K\u00ebshillit Evropian p\u00ebr Marr\u00ebdh\u00ebnie me Jasht\u00eb, Maria Simoenova i than\u00eb gazetares Garentina Kraja se zgjedhjet, zbuluan nj\u00eb pasqyr\u00eb t\u00eb zymt\u00eb n\u00eb Evrop\u00eb n\u00ebn hijen e luft\u00ebs n\u00eb Ukrain\u00eb, q\u00eb sipas tyre do t\u00eb vazhdoj\u00eb t\u00eb mbes\u00eb shqet\u00ebsimi kryesor i bllokut evropian q\u00eb ballafaqohet nd\u00ebrkoh\u00eb me kriz\u00eb financiare dhe retorik\u00ebn e nxitur kund\u00ebr emigracionit.<\/p>\n

Ballkani Per\u00ebndimor do t\u00eb jet\u00eb humb\u00ebsi kryesor i realitetit t\u00eb ri politik n\u00eb Evrop\u00eb, i dal\u00eb nga zgjedhjet parlamentare evropiane sipas analist\u00ebve.<\/p>\n

Zgjedhjet evropiane, q\u00eb u mbajt\u00ebn nga 6 deri n\u00eb 9 qershor, sh\u00ebnuan nj\u00eb rritje t\u00eb dukshme t\u00eb partive t\u00eb krahut t\u00eb djatht\u00eb, ndon\u00ebse partit\u00eb kryesore pro-evropiane ruajt\u00ebn ep\u00ebrsin\u00eb.<\/p>\n

Analist\u00ebt vler\u00ebsojn\u00eb se nj\u00eb nga ndikimet e para pritet t\u00eb jet\u00eb ndaj politik\u00ebs s\u00eb zgjerimit.<\/p>\n

Profesorja e shkencave politike n\u00eb Universitetin e Rom\u00ebs dhe n\u00eb Universitetin Boulder n\u00eb Kolorado, Federiga Bindi thot\u00eb se integrimi i Ballkanit Per\u00ebndimor ka gati nj\u00eb dekad\u00eb q\u00eb nuk \u00ebsht\u00eb p\u00ebrpar\u00ebsi e politikave t\u00eb Bashkimit Evropian dhe se ky orientim evropian, t\u00eb cil\u00ebn e quan \u201cdrit\u00ebshkurt\u00ebr\u201d, do t\u00eb vazhdoj\u00eb ta shoq\u00ebroj\u00eb rajonin edhe gjat\u00eb pes\u00eb viteve t\u00eb ardhshme t\u00eb mandatit t\u00eb 720 deputet\u00ebve t\u00eb rinj t\u00eb Parlamentit Evropian.<\/p>\n

\u201cVendet e Ballkanit Per\u00ebndimor jan\u00eb humb\u00ebsit e m\u00ebdhenj n\u00eb t\u00ebr\u00eb k\u00ebt\u00eb situat\u00eb, sidomos p\u00ebr shkak t\u00eb luft\u00ebs n\u00eb Ukrain\u00eb. P\u00ebrpjekjet e Bashkimit Evropian p\u00ebr t\u2019i integruar jan\u00eb zvog\u00ebluar\u2026 Gjat\u00eb tet\u00eb viteve t\u00eb fundit nuk po flitet m\u00eb p\u00ebr Ballkanin, megjith\u00ebse ka mjaft prova se BE-ja mund t\u00eb sjell\u00eb ndryshimin n\u00eb k\u00ebt\u00eb rajon. Ndikimi i BE-s\u00eb \u00ebsht\u00eb i duksh\u00ebm jo vet\u00ebm n\u00eb Slloveni, dhe Kroaci, por edhe n\u00eb pjes\u00ebt e tjera t\u00eb Ballkanit Per\u00ebndimor, n\u00eb Bosnj\u00eb ose Shqip\u00ebri dhe n\u00eb vende t\u00eb tjera, shihet se sa shum\u00eb p\u00ebrpjekje kan\u00eb b\u00ebr\u00eb k\u00ebto shtete p\u00ebr t\u2019u b\u00ebr\u00eb an\u00ebtare t\u00eb BE-s\u00eb dhe fakti q\u00eb Bashkimi Evropian nuk u p\u00ebrgjigjet dhe u jep p\u00ebrpar\u00ebsi shteteve t\u00eb tjera, si Ukrain\u00ebs, sinqerisht \u00ebsht\u00eb jo e drejt\u00eb dhe gjithashtu drit\u00ebshkurt\u00ebr\u2026 Evropian\u00ebt jan\u00eb plot\u00ebsisht t\u00eb hutuar nga Ukraina dhe kan\u00eb humbur perspektiv\u00ebn p\u00ebr \u00e7do gj\u00eb tjet\u00ebr\u201d.<\/p>\n

Ekspertja e K\u00ebshillit Evropian p\u00ebr Marr\u00ebdh\u00ebniet me Jasht\u00eb, Maria Simeonova thot\u00eb se ndon\u00ebse partit\u00eb e djathta rrit\u00ebn pranin\u00eb e tyre n\u00eb t\u00eb gjitha 27 shtetet e Bashkimit Evropian, rezultatet n\u00eb Franc\u00eb dhe Gjermani ishin m\u00eb trondit\u00ebset, duke l\u00ebkundur pozit\u00ebn e udh\u00ebheq\u00ebsve t\u00eb dy shteteve kryesore t\u00eb bllokut, t\u00eb cil\u00ebt kishin nj\u00eb angazhim m\u00eb t\u00eb madh p\u00ebr Ballkanin.<\/p>\n

\u201cFranca dhe Gjermania jan\u00eb lojtar\u00eb t\u00eb m\u00ebdhenj n\u00eb rajon dhe si dy shtetet an\u00ebtare m\u00eb t\u00eb m\u00ebdha, ato luajn\u00eb rol thelb\u00ebsor n\u00eb proceset n\u00eb Ballkan, n\u00eb ve\u00e7anti n\u00eb Bosnj\u00eb dhe Hercegovin\u00eb dhe n\u00eb procesin e dialogut mes Kosov\u00ebs dhe Serbis\u00eb\u2026 Prandaj do t\u00eb ket\u00eb efekt negativ n\u00eb nismat e reja p\u00ebr Ballkanin Per\u00ebndimor, meq\u00eb Presidenti Macron dhe Kancelari Scholz jan\u00eb dob\u00ebsuar shum\u00eb n\u00eb vendet e tyre\u201d.<\/p>\n

Analistja Simeonova thot\u00eb se rezultatet e zgjedhjeve po ashtu do t\u00eb \u201ckomplikojn\u00eb procesin e zgjerimit\u201d t\u00eb Bashkimit Evropian me shtetet e rajonit dhe zbehjen e p\u00ebrpjekjeve p\u00ebr t\u2019u angazhuar me Kosov\u00ebn dhe Serbin\u00eb p\u00ebr t\u00eb \u00e7uar p\u00ebrpara procesin e normalizimit.<\/p>\n

\u201cDo t\u00eb jet\u00eb m\u00eb v\u00ebshtir\u00eb p\u00ebr Bashkimin Evropian, duke marr parasysh rezultatet e zgjedhjeve, t\u00eb arrij\u00eb konsensus p\u00ebr zgjerim. Kjo nuk do t\u00eb thot\u00eb detyrimisht se nuk do t\u00eb ket\u00eb vullnet politik, apo se nuk do t\u00eb nd\u00ebrmarr\u00eb hapa konkret\u00eb. Por mendoj se prania m\u00eb e madhe e partive t\u00eb krahut t\u00eb djatht\u00eb n\u00eb parlament u mund\u00ebson atyre t\u00eb frenojn\u00eb disa nga nismat m\u00eb t\u00eb guximshme q\u00eb duhet t\u00eb b\u00ebhen n\u00eb raport me Ballkanin Per\u00ebndimor\u201d.<\/p>\n

Profesorja Bindi thot\u00eb se mungesa e v\u00ebmendjes s\u00eb Bashkimit Evropian ka l\u00ebn\u00eb prapa nj\u00eb situat\u00eb t\u00eb brisht\u00eb, p\u00ebrfshir\u00eb edhe n\u00eb dialogun nd\u00ebrmjet Kosov\u00ebs dhe Serbis\u00eb, ku blloku ka nj\u00eb rol me pesh\u00eb si pal\u00eb nd\u00ebrmjet\u00ebsuese p\u00ebr t\u00eb arritur nj\u00eb marr\u00ebveshje normalizimi mes t\u00eb dy vendeve, q\u00eb sipas saj, ka mbetur pas p\u00ebr shkak t\u00eb luft\u00ebs n\u00eb Ukrain\u00eb.<\/p>\n

\u201c\u00c7far\u00eb do t\u00eb mund t\u2019u ofroj\u00eb Bashkimi Evropian k\u00ebtyre shteteve p\u00ebr t\u00eb arritur paqen? Kur (ish P\u00ebrfaq\u00ebsuesja e BE-s\u00eb p\u00ebr Politik\u00eb t\u00eb Jashtme dhe Siguri Catherine) Ashton negocioi marr\u00ebveshjen, ne kishim di\u00e7ka p\u00ebr t\u00eb ofruar, por tani \u00ebsht\u00eb e qart\u00eb q\u00eb an\u00ebtar\u00ebsimi \u00ebsht\u00eb nj\u00eb synim afatgjat\u00eb. Nuk kemi asgj\u00eb p\u00ebr t\u00eb ofruar dhe kjo gjendje nuk ndihmon\u201d.<\/p>\n

Zonja Bindi thot\u00eb se mungesa e v\u00ebmendjes s\u00eb BE-s\u00eb dhe Shteteve t\u00eb Bashkuara n\u00eb Ballkanin Per\u00ebndimor ka krijuar hap\u00ebsir\u00eb p\u00ebr fuqi t\u00eb tjera n\u00eb rajon.<\/p>\n

\u201cPolitika e jashtme \u00ebsht\u00eb si fizika. Kur ka boshll\u00ebk, ai ka prirje t\u00eb mbushet. Ka aktor\u00eb rajonal\u00eb dhe nd\u00ebrkomb\u00ebtar\u00eb q\u00eb jan\u00eb t\u00eb interesuar ta mbushin k\u00ebt\u00eb boshll\u00ebk. Rusia me t\u00ebr\u00eb pal\u00ebn serbe, Kina \u00ebsht\u00eb gjithandej, pastaj Turqia n\u00eb mesin e mysliman\u00ebve dhe shtetet e Gjirit, q\u00eb kan\u00eb investuar n\u00eb Bosnj\u00eb dhe Shqip\u00ebri. Andaj (BE-ja) po humb mund\u00ebsin\u00eb n\u00eb oborrin e saj, n\u00eb nj\u00eb rajon, p\u00ebr t\u00eb cilin duhet t\u00eb p\u00ebrkujdeset m\u00eb shum\u00eb\u201d.<\/p>\n

Analist\u00ebt thon\u00eb se rol t\u00eb ve\u00e7ant\u00eb n\u00eb dinamik\u00ebn e zhvillimeve n\u00eb rajon n\u00eb muajt e ardhsh\u00ebm do t\u00eb ken\u00eb zgjedhjet presidenciale amerikane, q\u00eb mbahen n\u00eb n\u00ebntor, t\u00eb cilat sipas tyre, mund t\u00eb p\u00ebrcaktojn\u00eb edhe shpejt\u00ebsin\u00eb e veprimeve t\u00eb udh\u00ebheq\u00ebsve evropian\u00eb n\u00eb Ballkanin Per\u00ebndimor.\/VOA<\/p>\n