{"id":6574,"date":"2024-07-18T02:19:06","date_gmt":"2024-07-18T02:19:06","guid":{"rendered":"https:\/\/radiogjilani.com\/index.php\/2024\/07\/18\/ambasadori-qehaja-ska-rrezik-per-dorezimin-e-blerim-ramadanit-ne-serbi\/"},"modified":"2024-07-18T02:19:06","modified_gmt":"2024-07-18T02:19:06","slug":"ambasadori-qehaja-ska-rrezik-per-dorezimin-e-blerim-ramadanit-ne-serbi","status":"publish","type":"post","link":"https:\/\/radiogjilani.com\/index.php\/2024\/07\/18\/ambasadori-qehaja-ska-rrezik-per-dorezimin-e-blerim-ramadanit-ne-serbi\/","title":{"rendered":"Ambasadori Qehaja: S\u2019ka rrezik p\u00ebr dor\u00ebzimin e Blerim Ramadanit n\u00eb Serbi"},"content":{"rendered":"

Drejtori i Shoqat\u00ebs Handikos, Afrim Maliqi, n\u00eb nj\u00eb intervist\u00eb dh\u00ebn\u00eb p\u00ebr GazetaBlic, ka kritikuar Aeroportin Nd\u00ebrkomb\u00ebtar Adem Jashari, p\u00ebr munges\u00eb t\u00eb karrocave t\u00eb personave me aft\u00ebsi t\u00eb kufizuara dhe sipas tij \u00ebsht\u00eb \u00e7\u00ebshtje shum\u00eb shqet\u00ebsuese sepse vet\u00ebm nj\u00eb karroc\u00eb \u00ebsht\u00eb e pranishme n\u00eb k\u00ebt\u00eb aeroport p\u00ebr vendosjen e k\u00ebsaj kategorie n\u00eb airoplan.<\/strong><\/p>\n

\u201cPo flas p\u00ebr karrocat t\u00eb cilat jan\u00eb me standarde dhe t\u00eb cilat jan\u00eb speciale p\u00ebr hyrjen e personave dhe vendosjen e tyre n\u00eb airoplan, jo p\u00ebr karroca me t\u00eb cilat personat kan\u00eb v\u00ebshtir\u00ebsi n\u00eb l\u00ebvizje gjat\u00eb aeroportit. Ajo karroc\u00eb mandej mund t\u00eb jet\u00eb edhe e rrezikshme dhe e d\u00ebmshme p\u00ebr bartjen e personave q\u00eb kan\u00eb v\u00ebshtir\u00ebsi n\u00eb l\u00ebvizje. Personat me aft\u00ebsi t\u00eb kufizuara hezitojn\u00eb t\u00eb vin\u00eb n\u00eb Kosov\u00eb, vet\u00ebm p\u00ebr shkak t\u00eb k\u00ebsaj karroce\u201d, tregoi ai p\u00ebr GazetaBlic.<\/p>\n

Sipas Maliqit, ka shum\u00eb vite q\u00eb adresohet kjo \u00e7\u00ebshtje n\u00eb Aeroportin nd\u00ebrkomb\u00ebtar Adem Jashari, por q\u00eb sipas tij ka edhe qasje jo t\u00eb drejt\u00eb ndaj personave me aft\u00ebsi t\u00eb kufizuara n\u00eb k\u00ebt\u00eb aeroport.<\/p>\n

\u201cAeroportit Nd\u00ebrkomb\u00ebtar Adem Jashari ju kemi drejtuar dhe ju kemi adresuar \u00e7\u00ebshtje t\u00eb munges\u00ebs s\u00eb karrocave p\u00ebr personat me aft\u00ebsi t\u00eb kufizuara q\u00eb shum\u00eb vite. Kjo \u00e7\u00ebshtje me t\u00eb v\u00ebrtet\u00eb \u00ebsht\u00eb jasht\u00ebzakonisht e v\u00ebshtir\u00eb, \u00ebsht\u00eb vet\u00ebm nj\u00eb karroc\u00eb n\u00eb aeroport, e q\u00eb Airoporti i Prishtin\u00ebs sa kemi informacione nga vendet tjera t\u00eb rajonit \u00ebsht\u00eb nj\u00eb aeroport j i madh duke ditur q\u00eb ka pasagjer\u00eb t\u00eb shumt\u00eb dhe duke ditur q\u00eb persona me aft\u00ebsi t\u00eb kufizuara ka edhe n\u00eb Kosov\u00eb, por n\u00eb ve\u00e7anti ka edhe q\u00eb jetojn\u00eb n\u00eb vende t\u00eb ndryshme evropiane dhe n\u00eb bot\u00eb. Kjo dallon p\u00ebr arsye se edhe qasja e tyre nuk \u00ebsht\u00eb e duhur dhe nuk \u00ebsht\u00eb e drejt\u00eb n\u00eb raport kur ju drejtohet nj\u00eb personi me aft\u00ebsi t\u00eb kufizuara apo kur e bart\u00eb\u201d, potencoi drejtori i Handikos.<\/p>\n

\u201cNe e kemi adresuar edhe \u00e7\u00ebshtjen e atyre asistent\u00ebve t\u00eb cil\u00ebt i asistojn\u00eb p\u00ebrmes k\u00ebsaj karroce personat me aft\u00ebsi t\u00eb kufizuara n\u00eb vendosjen n\u00eb aeroplan, n\u00eb karrige t\u00eb aeroplanit dhe anasjelltas, q\u00eb t\u00eb ken\u00eb nj\u00eb trajnim sikurse q\u00eb i kan\u00eb asistent\u00ebt n\u00ebp\u00ebr aeroporte t\u00eb tjera nd\u00ebrkomb\u00ebtare\u201d, tha ai.<\/p>\n

Si q\u00ebndron kjo kategori me kushte t\u00eb jetes\u00ebs?<\/strong><\/p>\n

\u201cPersonat me aft\u00ebsi t\u00eb kufizuara n\u00eb vendin ton\u00eb jan\u00eb ende larg standardeve nd\u00ebrkomb\u00ebtare p\u00ebr t\u00eb drejtat e njeriut. Fillimisht ka mungesa t\u00eb sh\u00ebrbimeve t\u00eb duhura sh\u00ebndet\u00ebsore, ka munges\u00eb t\u00eb mb\u00ebshtetjes s\u00eb familjes dhe q\u00eb kan\u00eb f\u00ebmij\u00eb me aft\u00ebsi t\u00eb kufizuara dhe personave me aft\u00ebsi t\u00eb kufizuara, si n\u00eb rehabilitim, pajisje teknologjike asistuese apo ndihmuese. Ka munges\u00eb t\u00eb qasshm\u00ebris\u00eb q\u00eb i pengon personat me aft\u00ebsi t\u00eb kufizuara q\u00eb t\u00eb marrin pjes\u00eb n\u00eb jet\u00ebn publike dhe politike\u201d, tha Maliqi.<\/p>\n

Nd\u00ebrkoh\u00eb, sa i p\u00ebrket shkollimit kjo kategori n\u00eb vendin ton\u00eb ka gjendje t\u00eb v\u00ebshtir\u00eb, sipas Maliqit ka nj\u00eb num\u00ebr t\u00eb vog\u00ebl t\u00eb f\u00ebmij\u00ebve q\u00eb vijojn\u00eb m\u00ebsimin, kjo vjen si pasoj\u00eb e kushteve financiare.<\/p>\n

\u201cVler\u00ebsohet se vet\u00ebm 12 % t\u00eb personave me aft\u00ebsi t\u00eb kufizuara jan\u00eb t\u00eb p\u00ebrfshir\u00eb n\u00eb sistemin arsimor, kjo tregon gjendjen e v\u00ebshtir\u00eb n\u00eb t\u00eb cil\u00ebn gjenden f\u00ebmij\u00ebt dhe familjet e tyre n\u00eb Kosov\u00eb. \u00cbsht\u00eb jasht\u00ebzakonisht nj\u00eb num\u00ebr i vog\u00ebl i f\u00ebmij\u00ebve me aft\u00ebsi t\u00eb kufizuara q\u00eb jan\u00eb t\u00eb p\u00ebrfshir\u00eb n\u00eb arsim dhe numri m\u00eb i vog\u00ebl \u00ebsht\u00eb p\u00ebr t\u00eb rritur dhe student\u00ebt. Kjo \u00ebsht\u00eb p\u00ebr arsye financiare dhe t\u00eb qasshm\u00ebris\u00eb, si dhe rehabilitimit q\u00eb t\u2019ju ofrohet n\u00eb ve\u00e7anti f\u00ebmij\u00ebve me aft\u00ebsi t\u00eb kufizuara, kjo e b\u00ebn jetes\u00ebn shum\u00eb t\u00eb v\u00ebshtir\u00eb t\u00eb tyre dhe familjes s\u00eb tyre, p\u00ebr shkak se edhe munges\u00ebs s\u00eb tyre nga ana tjet\u00ebr k\u00ebta marrin ndihm\u00eb financiare disa prej tyre me q\u00ebllim t\u00eb mbulimit t\u00eb shpenzimeve t\u00eb domosdoshme t\u00eb tyre, t\u00eb cilat assesi nuk mjafton kjo mb\u00ebshtetje\u201d, p\u00ebrfundoi drejtori i Handikos, Afrim Maliqi.<\/p>\n

\/GazetaBlic\/<\/strong><\/p>\n