Dusan Vlahovic ka raportin më të mirë minutë për gol në Serie A në karrierën e tij, kështu që bardhezinjtë do të diskutojnë një zgjatje të kontratës, nëse kualifikohen zyrtarisht në Champions League.
Vlahovic frymëzoi fitoren 2-0 të Juventus-it ndaj Lazio-s në ndeshjen e parë gjysmëfinale të Kupës së italisë të martën me golin e tij të 16-të në 28 paraqitje në të gjitha garat këtë sezon.
Siç është raportuar nga “La Gazzetta dello Sport” të enjten, ndërkombëtari serb ka raportin më të mirë minutë për gol në Serie A në karrierën e tij, pasi ka shënuar një herë në 119 minuta.
Statistika aktuale është edhe më mirë se në sezonin 2021-22, kur ai shënoi një gol çdo 127 minuta për Fiorentina-n dhe Juventus-in.
Gazeta italiane thekson se Vlahovic është bërë lider në “Allianz Stadium” dhe shijon jetën në Torino, si brenda dhe jashtë fushës.
Prandaj, Juventusi- ka nisur tashmë bisedimet për vazhdimin e kontratës së tij përtej vitit 2026, por një takim zyrtar me agjentin e sulmuesit, Darko Ristic, do të bëhet vetëm një herë dhe nëse klubi kualifikohet në Champions League.
Objektivi kryesor i klubit në 2023-24 është të luajë në kompeticionin elitar të Evropës sezonin e ardhshëm, pasi një gjë e tillë do të siguronte burime jetike financiare.
Nga ana tjetër, shitja e Vlahovic-it nuk do të përjashtohej nëse bardhezinjtë nuk do të përfundonin në top katërshe.
The post Juventusi po shijon versionin më të mirë të Vlahovicit appeared first on Albanian Post.
