Një grua franceze ka thyer rekordin botëror të ngjitjes me litar pasi arriti në katin e dytë të Kullës Eiffel.
Anouk Garnier, 34 vjeç, u ngjit 110 metra në 18 minuta për të vendosur një lartësi të re dhe për të mbledhur para për parandalimin e kancerit.
“Ëndrra ime është realizuar. Është magjike”, ka treguar Garnier, pasi ngjiti litarin e varur për të arritur rekordin dy minuta më shpejt se sa pritej.
“Nëse kishte një gjë që nuk e dyshova kurrë, ishte se do ta bëja”.
“Kishte shumë ulje-ngritje në rrugën drejt këtij rekordi. Moti nuk ka qenë gjithmonë aleati im dhe na është dashur të koordinojmë agjendat e të gjithë atyre që janë përfshirë në këtë projekt monumental. Por nuk pushova kurrë së besuari në të. Kënaqësia dhe gëzimi që marr prej saj sot janë edhe më të mëdha. Është një ëndërr e çmendur e realizuar”.
Garnier tani mban rekordin për ngjitjen më të lartë dhe ngjitjen më të lartë për një femër.
Ajo filloi ngjitjen me litar në vitin 2022 pasi fitoi kampionatin botëror të kursit me pengesa për kategorinë e saj të moshës dhe po kërkonte një sfidë të re.
Garnier ka thënë po ashtu se ishte përgatitur për një vit për sfidën e së mërkurës dhe ishte e lumtur që shihte familjen e saj teksa zbriste.
Gjithashtu ajo ka treguar se do të mbledhë para për Lidhjen Kundër Kancerit pasi nëna e saj u diagnostikua me këtë sëmundje.
“E pashë duke u munduar aq shumë. Doja të bëja pjesën time”.
Ajo tani planifikon të kthehet në garat me pengesa dhe do të mbajë pishtarin olimpik në Marsejë në maj, por ka pranuar se tashmë po mendon për sfidat e ardhshme.
“Jam në formë të shkëlqyer dhe kam ndërmend ta mbaj atë për 10 vitet e ardhshme”.
The post Francezja thyen rekordin botëror duke ngjitur me litar Kullën Eiffel appeared first on Albanian Post.
