Kolegji i Posaçëm i Apelimit ka shtyrë për në datën 21 maj ora 15:00 shpalljen e vendimit për ankimimin e Komisionerit Publik ndaj Alfred Ballës.
Komisioneri Publik, Irena Nino, i qëndroi kërkesës së saj për ndërprerjen e procesit të rivlerësimit për Alfred Ballën dhe ndalimin e tij për të qenë pjesë e strukturave drejtuese në sistemin e drejtësisë për 15 vjet, pasi ka dhënë dorëheqjen nga statusi i “ndihmësit ligjor” me vullnetin e tij të plotë.
Balla dhe anëtarë jo-magjistratë të tjerë të Këshillit të Lartë të Prokurorisë dhe Këshillit të Lartë Gjyqësor po shpresojnë që të vijojnë detyrat në sistemin e drejtësisë si magjistratë pas përfundimit të mandatit në “qeverisjen e gjyqësorit dhe të prokurorisë”.
Ligji në fuqi parashikon që gjyqtarët dhe prokurorët e rinj emërohen vetëm pasi të kenë përfunduar Shkollën e Magjistraturës dhe të kalojnë me sukses procesin e Vetingut.
Ndërkohë që anëtarët jo-magjistratë të KLGJ e KLP synojnë të marrin statusin e “magjistratit” ex-officio, për shkak të pozicionit që kanë mbajtur gjatë viteve të fundit.
The post KPA shtyn shpalljen e vendimit për ankimimin e Komisionerit Publik ndaj Alfred Ballës appeared first on Albanian Post.
