Trupat e 80 palestinezëve u gjetën në tre varre masive pranë spitalit al-Shifa në qytetin e Gazës.
Kështu njoftoi sot Ministria e Shëndetësisë e Rripit të Gazës, e kontrolluar nga Hamasi.
Kjo e çon numrin total të trupave të gjetur nga varret masive të zbuluara në të gjithë enklavën palestineze në 520, sipas ministrisë, cituar nga Al Jazeera.
Shtatë varreza masive janë gjetur javët e fundit pranë spitaleve Al Shifa, Nasser dhe Kamal Adwan pas tërheqjes së forcave izraelite. Burimet shëndetësore në Gaza, të intervistuara nga agjencia palestineze e lajmeve Wafa, deklaruan se “ekzaminimi vizual i trupave të zhvarrosur nga varret masive tregoi se shumica i përkisnin pacientëve të privuar nga kujdesi mjekësor”.
“Ne gjetëm trupa të copëtuar nga automjetet e ushtrisë izraelite që kalonin mbi trupat e të vdekurve dhe gjetëm koka pa trupa në varreza masive në oborret e Kompleksit Al Shifa”, shtuan ata.
The post Gjenden 80 trupa në tre varre masive në spitalin Al Shifa appeared first on Albanian Post.
