Joe Biden tha se do të konsideronte tërheqjen nga gara presidenciale nëse do të shfaqej një “problem mjekësor”, raporton New York Times, duke cituar një fragment të lëshuar nga intervista e Biden me Ed Gordon të BET News.
Biden u pyet nëse kishte ndonjë arsye që do ta bënte atë të rishikonte qëndrimin në garën presidenciale.
Në përgjigje, Biden tha: “Nëse mjeku do të vinte tek unë dhe do të më thoshte, ju keni këtë dhe atë problem”.
Në fillim të këtij muaji, Biden tha gjatë një interviste me prezantuesin e ABC-së, George Stephanopoulos, se ai do të tërhiqej nga gara vetëm nëse “Zoti i Plotfuqishëm” i thoshte që ta bënte këtë.
Komentet e Biden vijnë mes thirrjeve në rritje nga demokratët për të tërhequr ofertën e tij për rizgjedhje për shqetësimet e moshës dhe kompetencës së tij mendore, veçanërisht pas performancës së tij të dobët në debat kundër Donald Trump.
The post Biden thotë se do të konsideronte tërheqjen nëse doktorët shohin probleme te gjendja shëndetësore appeared first on Albanian Post.
