E premtja e 19 korrikut shënon ditën e përkujtimit të ndarjes nga jeta të gjyqtarit Paolo Borsellino dhe policëve, të cilët e shoqëronin në masakrën e rrugës D’amelio në vitin 1992.
Paolo Borsellino “pagoi” për drejtësinë dhe qëndresën e tij si njeri i institucioneve me jetën që bëri.
Oficerët, të cilët e shoqëronin dhe vdiqën bashkë me të ishin: Emanuela Loi, Agostino Catalano, Vincenzo Li Muli, Walter Eddie Cosina dhe Claudio Traina.
Ndërtimi i vrasjes
E diel, mëngjes. Ndërsa Italia ishte ende duke qarë për vdekjen e Giovanni Falcone, gruaja e gjyqtarit, Francesca Morvillo dhe burrat që e shoqëronin, u hodhën në erë në Capaci me urdhër të Cosa Nostra-s.
Jo vetëm kaq. Një tjetër masakër ndodhi në via d’Amelio, në rrugën 21. Paolo Borsellino do të vizitonte nënën e tij, Maria Pia Lepanto, siç bënte çdo të diel, kur një Fiat 126-ta i vjedhur, i mbushur me eksploziv, shpërtheu.
Ishte ora 16.58, kur rruga në zemër të Palermos u shndërrua në një ferr të vërtetë. Makina të djegura, tym, flakë, njerëz që bërtisnin për ndihmë dhe gjak kudo.
Imazhet, si ato të autostradës, mbetën të gdhendura në sytë e të gjithëve. Është e pamundur të harrosh atë që ndodhi nën diellin përvëlues të korrikut, në një Palermo pothuajse të shkretuar.
Së bashku me gjyqtarin antimafia, agjentët e shoqërimit Agostino Catalano, Emanuela Loi (gruaja e parë e policisë që vdiq në shërbim), Vincenzo Li Muli, Walter Eddie Cosina dhe Claudio Traina humbën jetën. Askush nuk ia doli përveç Antonino Vullo, i mbijetuari i vetëm. Kujtimet e asaj pasditeje janë të gjitha akoma aty, njëra pas tjetrës.
Fati i parashkruar
Borsellino e dinte që do të pasonte të njëjtin fat si kolegu i tij, me të cilin ishte lidhur nga një miqësi e thellë.
“Tani është radha ime”, tha ai, ndërsa në intervistat e fundit e përcaktonte veten si “një njeri të dënuar me vdekje”.
Ai gjithashtu i kishte rrëfyer gruas së tij, Agnese se ata – referuar mafies – do ta vrisnin, por nuk do të ishte një hakmarrje e mafies, mafia nuk hakmerret.
“Mbase mafia do të jetë ajo që do të më vrasë fizikisht, por të tjerë e dëshironin vdekjen time”.
The post Njeriu ‘i dënuar’ me vdekje appeared first on Albanian Post.
