Për kryeministrin e Shqipërisë Edi Rama, të punosh në turizëm në vendet fqinje si Greqia apo Italia, nuk është më mirë se të punosh në Shqipëri, nga Thethi e deri në Ksamil.
Ai u ka drejtuar sërishmi thirrje emigrantëve shqiptarë që punojnë në këtë sektor, të konsiderojnë vendin e tyre për të punuar pasi pagat janë rritur ndjeshëm.
“Taksat e shpenzimet shumë më të ulëta se sa kudo gjetkë, e bëjnë sot punën në sektorin e turizmit shqiptar një zgjedhje më të mirë se sa në vende të tjera rrotull”, ka theksuar Rama.
Ai i referohet një artikulli të revistës Monitor, sipas të cilit, pagat në turizëm për kamerierë e sanitarë janë më të larta se punonjësit e bankave, duke arritur deri në 1 mijë euro në muaj.
The post Rama thirrje emigrantëve: Të punosh në Itali e Greqi, nuk është më mirë se në Ksamil e Theth appeared first on Albanian Post.
