Ish gjykatësi i Gjykatës Kushtetuese, Kadri Kryeziu në emisionin “Click” në RTV21 tha se në Kosovë është një sovranitet i butë për shkak të serbëve që jetojnë Kosovë dhe nuk i rrespektojnë ligjet e Kushtetuës së Kosovës.
”Ne kemi në Kosovë një sovranitet të butë në aspektin territorial, nuk është sovranitet klasik si duhet të jetë për shkak të nacionalitetit serb që janë qytetarë të Kosovës dhe janë të pa dëgjueshëm ndaj Kushtetutës të Kosovës, ndaj ligjeve”, tha Kryeziu.
Ai poashtu tha se feja është e ndarë nga shteti, dhe sipas Kushtetutës së Kosovës vizioni i qytetarëve është se do jemi një shtet euroatlantik.
”Vizioni i qytetarëve në bazë të Kushtetutës është se do jemi shtet euroatlantik, feja është e ndarë nga shteti dhe këto qështje tjera duhet të rregullohen me ligj”, tha ndër tjera Kryeziu.
Kryeziu ndër tjera shtoi se, ”Bashkësitë islame kanë kushtetutën e vet, ata duhet ta respektojnë kushtetuën, nuk duhet të del feja jashtë kontrrollit”.
The post Kryeziu: Serbët e Kosovës të padëgjueshëm ndaj Kushtetutës të Kosovës appeared first on GazetaBlic.
