Kreu i Partisë Demokratike, Lulzim Basha, ka publikuar një fotografi pas votimit në Asamblenë e Përgjithshme të Këshillit të Evropës, ku ai shfaqet me kryeministrin e Kosovës, Albin Kurti.
Gjatë këtij sesioni, parlamentarët evropianë votuan pro anëtarësimit të Kosovës në këtë organ të lartë kontinental.
“Me kryeministrin e Kosovës Albin Kurti duke ndarë gëzimin e kësaj arritje të madhe për Kosovën. Tani e gjithë energjia tek hapi tjetër që uroj dhe shpresoj në maj t’i vendosë vulën përfundimtare anëtarësimit të Kosovës në Këshillin e Evropës”.
Kështu shkruan Basha në publikimin e tij.
Më herët, po Basha e ka quajtur një ditë të madhe për Kosovën dhe shqiptarët në Shqipëri, Kosovë, Maqedoni të Veriut dhe Mal të Zi, vendimin e Asamblesë Parlamentare të Këshillit të Evropës, për të vijuar me anëtarësimin e Kosovës në organizatë.
Një ditë të madhe për Kosovën, e quan Basha vendimin e Asamblesë Parlamentare të KiE-së
“Të gjithë së bashku në udhëheqjen e Kosovës ia dolëm që Kosova të triumfojë sot!”, reagon Basha përmes një publikimi në Facebook.
Ai po ashtu ka falënderuar raportuesen greke për anëtarësimin e Kosovës në KiE, Dora Bakoyanis, për kontributin e jashtëzakonshëm për të arritur në këtë moment historik.
The post Basha poston foto me Kurtin: Energjia te hapi përfundimtar për anëtarësimin e Kosovës në KiE appeared first on Albanian Post.
