Aksionari i ri minoritar i Manchester United, Sir Jim Ratcliffe thuhet se është i përgatitur të lejojë deri në 12 lojtarë të ekipit të parë të largohen nga klubi gjatë afatit kalimtar të kësaj vere.
Ratcliffe po planifikon ndryshime gjithëpërfshirëse në “Old Trafford”, me miliarderin britanik të vendosur për ta vënë klubin në një pozicion për të sfiduar sërish për trofe të mëdhenj.
Man United mund ta mbyllë këtë sezon me trofeun e FA Cup, por tani ka shumë pak gjasa që të luajë në Champions League sezonin e ardhshëm, aktualisht në vendin e shtatë në tabelë, 16 pikë nga Aston Villa e vendit të katërt.
Pozicioni i Erik ten Hag si trajner kryesor është larg të qenit i sigurt, me menaxherin e Anglisë, Gareth Southgate, trajnerin në largim të Bayern Munich-ut, Thomas Tuchel dhe ish-trajnerin e Chelsea-t, Graham Potter, të identifikuar si zëvendësues të mundshëm për holandezin këtë verë.
Sipas “The Mirror”, do të ketë gjithashtu ndryshime të gjera në aspektin e lojtarëve, me 12 nga skuadra aktuale që mund të largohen gjatë merkatos së verës.
Raporti pretendon se “Djajtë e Kuq” janë të gatshëm të dëgjojnë ofertat për Marcus Rashford, me reprezentuesi anglez në vështirësi gjatë sezonit 2023-24.
26-vjeçari nënshkroi një marrëveshje të re afatgjatë në “Old Trafford” verën e kaluar, por ai ka arritur vetëm tetë gola dhe pesë asistime në 40 paraqitje këtë sezon dhe supozohet se do të shitet për çmimin e duhur.
Aaron Wan-Bissaka, Victor Lindelof dhe Harry Maguire gjithashtu mund të largohen, ndërsa Raphael Varane i skadon kontrata në fund të qershorit dhe do të largohet si transferim i lirë.
Casemiro dhe Christian Eriksen gjithashtu pritet të largohen, ndërsa një marrëveshje e përhershme për Sofyan Amrabat nuk ka gjasa të miratohet, me reprezentuesin maroken që e ka të vështirë të lërë përshtypje ndërsa është i huazuar nga Fiorentina, kështu që ai pritet të kthehet në klubin e tij mëmë.
Jadon Sancho, i cili u kthye te Borussia Dortmund si huazim në janar, gjithashtu mund të largohet, ndërsa Anthony Martial është pothuajse i sigurt se do të largohet kur kontrata e tij të skadojë në fund të qershorit.
Antony gjithashtu dyshohet se do të largohet me kusht që klubi të marrë një ofertë të përshtatshme për brazilianin, i cili ka luftuar për të lënë gjurmën e tij që nga mbërritja në “Old Trafford” në verën e vitit 2022.
Donny van de Beek nuk ka gjasa të nënshkruhet në mënyrë të përhershme nga Eintracht Frankfurt këtë verë, por holandezi me sa duket do të largohet këtë verë në një mënyrë ose në një tjetër.
Raporti pretendon se Andre Onana, Lisandro Martinez, Kobbie Mainoo, Bruno Fernandes dhe Rasmus Hojlund shihen si lojtarë në “Old Trafford”.
The post Manchester United përgatit 12 largime në verë appeared first on Albanian Post.
