Objektivi i Milan-it, Paulo Fonseca mohon se ai ka arritur një marrëveshje me Marseille dhe këmbëngul se ai do të vendosë për të ardhmen e tij në fund të sezonit.
Fonseca, ish-trajneri i Roma-s, është kandidat për postin te Milan-i në sezonin 2024-25, duke qenë se kuqezinjtë pritet të ndahen me Stefano Pioli-n.
Fonseca është një nga opsionet kryesore, sipas disa burimeve, edhe pse prioriteti i kuqezinjve duket se është Sergio Conceicao.
Raportet në Francë dhe Itali pretendojnë se Fonseca ka arritur një marrëveshje me rivalët vendas të Lille, Marseille, por trajneri portugez e mohoi atë gjatë një konference për shtyp të shtunën.
“Ajo që u publikua dje nuk është e vërtetë. Nuk e di kush foli, por nuk është e vërtetë”, tha ai.
“Nuk kam marrëveshje me një klub tjetër. Jam plotësisht i fokusuar në dy ndeshjet tona të fundit. Do të vendos pas këtyre dy ndeshjeve. Sot, nuk dua të flas për të gjitha këto. Dua të mendoj për Nantes dhe Nice. Për momentin gjithçka është e mundur”, theksoi portugezi.
Marrëveshja e Fonseca me Lille skadon në qershor, kështu që, në letër, ai është i disponueshëm kontraktualisht për punën te Milan-i.
Një tjetër kandidat portugez për gjigantët e Serie A, Conceicao, gjithashtu foli me gazetarët të shtunën, duke thënë se nuk po mendon të largohet nga Porto, me të cilin së fundmi ka nënshkruar një zgjatje të kontratës deri në qershor 2028.
Milani i Pioli-t luan të shtunën mbrëma, duke pritur Cagliari-n e Claudio Ranieri-t në “San Siro”.
The post Fonseca mohon marrëveshjen me Marseille mes lidhjeve me Milan-in appeared first on Albanian Post.
