Prokuroria Speciale ka njoftuar se ka ngritur aktakuzë në Gjykatën Themelore në Prishtinë ndaj një personi për nxitje të përçarjes dhe mos durimit.
Lajmi është bërë i ditur nëpërmjet një shkrimi në rrjetin social Facebook, ku njoftohet se nga i dyshuari është përhapur publikisht urrejtje midis grupeve kombëtare përmes platformës sociale TikTok.
“Sipas aktakuzës i pandehuri S.Z ka nxitë, përhapë publikisht urrejtje, përçarje dhe mos durim midis grupeve kombëtare në atë mënyrë që përmes rrjetit social TikTok ka fyer, ofenduar dhe përhapur urrejtje ndëretnike”, thuhet në njoftim.
The post Prokuroria ngritë aktakuzë ndaj një personi për nxitje të përçarjes dhe mos durimit appeared first on Albanian Post.
